Se ben non teño ningunha expectativa ao respecto nin intención de promovelo activamente, estou aberto a aceptar doazóns e comprometer un tempo correspondente ao mes a proxectos de programas libres da lista de embaixo.

Vivo en España e, por motivos legais, para aceptar doazóns recurrentes deberei darme de alta como autónomo, o que conleva uns gastos mínimos que non quero afrontar ata ter certa seguridade de que, como mínimo, non perderei cartos cada mes por aceptar doazóns.

Esa é a cantidade mínima que considero suficiente para que sexa improbable que acabe perdendo cartos cada mes. Calcúlase sumando os gastos fixos mensuais estimados de estar dado de alta como autónomo (cotizacións, impostos e custos administrativos) e dividindo ese total polo tempo mensual que comprometería para o traballo comunitario. Como aumenten os custos de vida (por exemplo a vivenda), os minutos por € irán diminuíndo cada ano.

Reclamarei as doazóns e comezarei a adicar 2,99 minutos / € ao mes aos proxectos listados embaixo.

Unha vez reclame as doazóns, comezarei a aceptar solicitudes para crear equipos de Liberapay asociados a grupos de proxectos concretos ou a proxectos individuais listados embaixo. Deste xeito, poderás doar a un grupo ou proxecto específico, e eu empregarei o tempo correspondente traballando nese grupo ou proxecto.

Non teño pensado dar esa opción de primeiras. Pero se te interesa, contáctame e falámolo.

Sorprenderíame moito, pero o plan é:

1. Chegado a un punto no que o tempo total, o de traballo en Zyte e o traballo en programas libres financiado pola comunidade, se me fai costa arriba, negociarei con Zyte unha redución do tempo de traballo.
2. Se chego a deixar Zyte e traballar só para a comunidade, e chega un punto no que o tempo financiado pola comunidade me resulta excesivo, buscarei a unha persoa de confianza disposta a facer unha parte do traballo e levar a parte correspondente dos cartos.

Dálle!